Máni Hilmarsson, félagi í Skugga, og Prestur f. Borgarnesi stóðu sig frábærlega í dag en þá tóku þeir þátt í forkeppni fimmgangs F1. Hlutu þeir einkunnina 6,43 og dugði hún vel til að skila þeim í fyrsta sæti ungmenna. Fara þeir því beint í A úrslit á laugardaginn. Þeir eru einnig skráðir til leiks í T2, gæðingaskeiði PP1 og 250 m. skeiði P1. Skuggi óskar honum til hamingju með árangurinn í dag sem og sendir honum ósk um gott gengi í framhaldinu.